عشقت ف سالف الأيام مخلـوق ٍ بليّـا حـد     ولا همني سوى أن كيف آتي بْعرش راحاتـه

يا لين أصبح ودادي له من انجوم السما أبعـد     مـداه ايتعّـب الناظـر إذا عايـن بنظراتـه

عشقته لين ما فيّض غرامي وثم ْ بنيت السـد     مخافة أن يفيض الحب ثم ْ يهجـر بحيراتـه

ويا كم صرت له جزر ٍ وهو للحب صار المد     ويا كم قد جرحني يـوم صـرّح بادّعاءاتـه

وقال اني بعد فيض الغرام أصبحت له كالنـد     وأنا ما غير له غـوث ٍ ودود ٍ فاعتراضاتـه

يلين أقفى وأنا ويّاه قلبـي يـوم قلبـه ضـد     غرامي ثم ْ ذراني تايه ٍ ما بيـن همساتـه

هجرني وابتعد عني واثاري ما يهـاب البعـد     إذا صدّي غدى الغاية ..وجوب ايروم غاياتـه

وجوب إنه يشوف الدمع من عيني يبل ّ الخـد     وانا اللي أحتضن دمعة عيونه قبـل دمعاتـه!

ألا يا الليل ما اشوفك ولونـك داكـن ٍ أسـود     ليا ناظرت من حولي سـواد الحـال وشتاتـه

وألا يا الليل ما قولك بخلّ ٍ لا وصلته صـد؟     وانا اللي اشتريته لا وضعني فـي مبيعاتـه

وما ظنّك ألا يا ليل ما ظنّك وهو ما رد؟     رفع قدري وثـم ْ طيّـح مكانـي فانتكاساتـه

عشقته من مهد عمري وحتى صار عمري لحد     وصرت أحدي على ركبه وأتابع كلّ خطواتـه

وأثاري السهل في بقعة غرامي مات فيه الورد     ليا خلّي وطاه وداس كـل وردي و ورداتـه

حرام إنه يعوّدني على حضنه وأعيش البـرد     وعقبه كيف ما أحضن دفـاه بْحجـر كلماتـه

وألا يا القلب أدري ما يفيد القول ويّا السرد     مدام إنّ المخاطب غايب و ْ مجهول في ذاتـه!

فقط ياللي بفيدك أن تناجي الواحد اللي فـرد     رحيم ٍ ما خسر منهـو تعبّـد فـي مناجاتـه

وذا وضعي وأنا والله على وضعي فلا أحسـد     وش اللي يْجمّع الحسّاد حول القبـر وأمواتـه

جميع الحقوق محفوظة لــ موقع الشاعر رضا الهاشمي - عرندس الجفيان -- wWw.qafaj.cOm

http:/www.qafaj.com/