|
سلطان رفرف يا العقاب بجناحيك = ايحوم حولك دم شعبك لك أسراب
جيتك أبوس اتراب ايدك و رجليك = وأقول يفداك الشعب روح وارقاب
فوق النجوم البيض تسمو معاليك = والمجد يرسل في سما صيتك اشهاب
احنا العدى للي يفكر يعاديك = واحنا الوغى واسيوف وادروع واحراب
ترجف صماة الصخر من هول طاريك = والارض لك تفرش بساتينها اعناب
وانته يا بو هزاع منهو يساويك = ما توقف بويهك عراقيل واصعاب
بلدان هالعالم ترى سامعة فيك = واكبار سطح الارض تحسب لك احساب
هاذي الفقارى فوق جودك تصلّيك = وإمامهم دمعات و الشكر محراب
من بوظبي لين الثريّا مواطيك = من وين ما ولّيت ويهي لك أحباب
شفت الرواسي أصبحت لك صعاليك = في دربك اللي عيّش اجهود واتعاب
انت التواضع فيك ميزة تعاليك = يا نمر من فاهه لمع للزمن ناب
إفتح إلى العلياء راحات كفّيك = ينزل عليها من سما انجازك اكتاب
إفتح كتاب المجد واقرى بعينيك = اخطاب لك وُجّه ولا مثله اخطاب
إقرى كلام الشمس وشلون تحكيك = وشلون شمس ونورها يحجبه احجاب
احجاب شعبك لي على طول يحميك = شعبك عليك من الهوا ايهاب وايهاب
|
