انته مشيت و رحت يا الخاين ف دربك=وانا بدونك تايه ٍ ما دلّ دربي ما اتخاف مني بس فيني خاف ربك=مثلي انا في حبك انته خفت ربي النوم ما ياني على فكرة تراني=ان ما عطاك الله قلب ٍ هو عطاني كم طعت قلبك بس قلبك كم عصاني=والدمع ف عيوني توفى وما تكفّن قلبك ترى جلمود ما أقساه قلبك=عكسي انا قلبي فما أدراك قلبي حبي طلع وافي ترى هو غير حبّك=وحبّك أبد ما يسوى حتى انعال حبي قاعد مع روحي أخاطبها بكلامي=واتذكر أيام التداني والغرامي واللي حرامي ما يقول انه حرامي=وأعلام كل خاين على قلبه يرفن هانت عليك العشرة وأيام التواصل=كنت ف بلاد الحب والوجدان واصل هجرك ضرب قلبي وصار الدمع حاصل=مجموعهم ساوى مع الأيام حالي ان كنت تتحرى الهجر هو شي عادي=الهجر يعني الموت بسيوف الأعادي انته ف وادي والهوى في غير وادي=والوصل من عندك ترى شكله محالي جرح الخيانة غاير ٍ يسكنه همّي=موضعك في دمي ترى ما كان وهمي جلّستك ف دمي يلين اشربت دمي=وش ناوي يا ظالم بعد ؟ هذا سؤالي

أدوات القصيدة

النسبة 2.92/5 (12اجمالي)

• 1
• 2
• 3
• 4
• 5