وش فيك هاجرني ألا إنما الصد = اللي اجهلوا ناره تراهم جهايل من حولي صرت آنا أحد ماله أحّد = والصد أنجب من شجوني عوايل ما ترحم اللي له خفوق ٍ تجمد = عليه ودي اسكب الدمع سايل سويت أشعة طالع الكبد أسود = كني مع التدخين أهل و زمايل ياليت هجرك مات من قبل يولد = امبيننا ما صار دم وقبايل دمّك ف قلبي كل ساعة ايتجدد = كل كورة ٍ حمرا اتكاثر فصايل تعال ودي من حلاك اتزود = اعفيني من هجر ٍ على القلب عايل عاجبك يعني حالي اللي تنهد = كبرج بيزا فوق مهجرك مايل شوف الهجر غيمه ع قلبي تلبد = وادموع عيني من غيومه همايل جسدت هجرانك مثل عمرو بن ود = وينه علي بن آبي طالب ينايل لي جرح في قلبي ترى ما تضمد = هذا دليل ان كنت تبغي الدلايل بُعدك سيوف الهند في القلب تغمد = تلامعت في خافقي له نصايل قول ان بُعدك حبّ يمزح تعمّد = وان غير ذلك ما انت يا حب قايل اسميه صدّك من فوادي ترى كد = يا بايع النوق العجاف الهزايل في لحد هجرك خافقي قد توسّد = عليه صلت عزلتك بالنفايل الوضع في داخل حشايا تصعد = أولمرت صدّك سوّى فيني عمايل بعّدت عني ولاّ انا صرت مبعد = ولاّ انت سارق ناقتي والحمايل ان كنت سارقها ترى الحين عوّد = حمولها قيعان بحر ٍ ثقايل ابتتعب ابتتعب كما الصقر في الهد = مالك حبارى في السيوح الوحايل يا إنك اترد لي ترى العود أحمد = او يالله اشنقني بحبال الجدايل او انك اتشيد لدمع المقل سد = هاذي الحلول اللي تجافي البدايل لو ادري ان قلبك بصدّك توعد = لا الجمت خيل ٍ جانح ٍ بالصهايل وان كان قلبك ع التمر قد تعود = اوعدك ازرع لك شجوني فسايل عليك طمني ولو كنت أبعد = ما احلى ف سبيلك مفزعات الهوايل ارضعت معلوقي من الصد ما قد = يجعل ف حشرك مرضعاته ذهايل تعال أخرجني من البير مُنْجَد = مد للولع حبلك طوال القذايل ان نلتي مني نلت والنول له حد = ما انته من انمورة وصالي بنايل انته مدامك تمسك الأرض باليد = يا عبد مب إنته السماوات طايل ودّيت اوصل لك اذا الروح مصعد = واستنفذت في الصد كلّ الوسايل خطّيت دمع الشوق في الجيل والعد = طارت حمامة خافقي بالرسايل قم مد رجلينك على الكم والقد = مشكلتك ان كانن رجولك طوايل بابي تعال وشوف لك ما تبند = كــ باب مسجد ماله أية قفايل أبكاني مشهد هذا بس كان مشهد = شفت الوصل منّك ظباء ٍ جفايل لا عمري وجدانيتي اليوم توأد = يا الجاهلي قادوك بيدك غلايل لا تظن إنك رب يا عبد تُعبد = جل الله هو وحده إلاه الجلايل وش فيه صدّك قاطع الرزق والمد = لونا تزوجنا قطع بالنسايل حجّاج وصلي بالملاهيف توفد = توفد وفادة مكّة أم الفضايل في الليلة الظلماء يوحشك فرقد = تعال ضوّي ليل هجرك شعايل

أدوات القصيدة

النسبة 2.81/5 (16اجمالي)

• 1
• 2
• 3
• 4
• 5