عشقت ف سالف الأيام مخلـوق ٍ بليّـا حـد =ولا همني سوى أن كيف آتي بْعرش راحاتـه يا لين أصبح ودادي له من انجوم السما أبعـد =مـداه ايتعّـب الناظـر إذا عايـن بنظراتـه عشقته لين ما فيّض غرامي وثم ْ بنيت السـد =مخافة أن يفيض الحب ثم ْ يهجـر بحيراتـه ويا كم صرت له جزر ٍ وهو للحب صار المد =ويا كم قد جرحني يـوم صـرّح بادّعاءاتـه وقال اني بعد فيض الغرام أصبحت له كالنـد =وأنا ما غير له غـوث ٍ ودود ٍ فاعتراضاتـه يلين أقفى وأنا ويّاه قلبـي يـوم قلبـه ضـد =غرامي ثم ْ ذراني تايه ٍ ما بيـن همساتـه هجرني وابتعد عني واثاري ما يهـاب البعـد =إذا صدّي غدى الغاية ..وجوب ايروم غاياتـه وجوب إنه يشوف الدمع من عيني يبل ّ الخـد =وانا اللي أحتضن دمعة عيونه قبـل دمعاتـه! ألا يا الليل ما اشوفك ولونـك داكـن ٍ أسـود =ليا ناظرت من حولي سـواد الحـال وشتاتـه وألا يا الليل ما قولك بخلّ ٍ لا وصلته صـد؟ =وانا اللي اشتريته لا وضعني فـي مبيعاتـه وما ظنّك ألا يا ليل ما ظنّك وهو ما رد؟ =رفع قدري وثـم ْ طيّـح مكانـي فانتكاساتـه عشقته من مهد عمري وحتى صار عمري لحد =وصرت أحدي على ركبه وأتابع كلّ خطواتـه وأثاري السهل في بقعة غرامي مات فيه الورد =ليا خلّي وطاه وداس كـل وردي و ورداتـه حرام إنه يعوّدني على حضنه وأعيش البـرد =وعقبه كيف ما أحضن دفـاه بْحجـر كلماتـه وألا يا القلب أدري ما يفيد القول ويّا السرد =مدام إنّ المخاطب غايب و ْ مجهول في ذاتـه! فقط ياللي بفيدك أن تناجي الواحد اللي فـرد =رحيم ٍ ما خسر منهـو تعبّـد فـي مناجاتـه وذا وضعي وأنا والله على وضعي فلا أحسـد =وش اللي يْجمّع الحسّاد حول القبـر وأمواتـه

أدوات القصيدة

النسبة 2.93/5 (41اجمالي)

• 1
• 2
• 3
• 4
• 5