وفي المارينا اتلاقى الصباح اللي بزغ ضيّه = مع بحر ٍ من ابحور الشعر وابديت اعجابي يمحلا لقية الاحباب تحت الظل والفيّة = خصوصا لو ترى الاحباب هم بالذات احبابي دخلنا الكوفي شوب وقهوتي محلوة اشويه = وانا غير الوناسة والهداوة يا بشر مابي لطيفة اطلبي وش ياج شسمج وانتي نورية = خذوا المنيو وخلوا الدفع فاتورته ع احسابي انا باقول بس كلمة من الكلمات عفوية = ترى شوفة محيّاكم أزالت بقعة اتعابي ويا نورة انا غيرج بعد هالشوف موليّة = سواج انتي انا مابي رجاءا هدوا اعصابي جمالج انتي يا نورة جمالج جملة فعلية = وهو فعلا ً جمالج دوّخ العينين واهدابي ولو باقول في منج عراقية وهندية = ومصرية و سورية و روسية ترى خابي ترى خابت ظنوني فيج وانتي ما انتي عربية = جمالج طايح ٍ بين العرب والعجم و الرابي سواد اعيونج الحلوة الوسيعة المندعاجية = كأنها ارموشج اغصان ٍ عليها واقف اغرابي ولو باقول في صفحة خدودج جملة اسمية = يسميج القمر قمرة ويكمل قصة اعرابي ولو باقول انج زهرة ٍ واللون وردية = اخاف اللون يتغير حمر وآصير كذابي مبين الابيض وما بين سمرة وبين حنطية = مبين الشمس لا ضوّى سناها بين لسحابي فرنسية انا اشتم ريحة بس فرنسية = احس العطر من ايدج إلى الخدّين منسابي قسم بالله لو انج شرات البوك جيبية = لا احطج مب وسط جيبي لا احطج داخل اثيابي دريت انج خفيفة دم ملتزمة رومانسية = وعن مظهرج لا بالله منظر حيل خلاّبي ولو انج متينة وبصراحة اشوي مربية = ولكن الشهد في مبسمج قيّض وما ذابي انا ادري بج تحبين السوالف او مزوحية = وتدرين الهوى أمر على العشاق غلابي ولكن ودي اتكونين جدية و رسمية = اذا ييت اخطبج لا اتسكرين ف ويهي البابي لا صونج داخل عيوني واشغل قلبي دورية = واصيد امغازلينج وابدي فيهم أبشع اعقابي انا طولت والكوفي أحسه حالة أمنية = لذلك ودي أشيل القلم واسكر اكتابي ويا نورة تراج الظبي ياللي يسحب ف مشيه = عرف وشلون يسلب عقليا وايطيح انيابي

أدوات القصيدة

النسبة 2.59/5 (27اجمالي)

• 1
• 2
• 3
• 4
• 5