لااحتشد جيش الشعر في ضامري بالإرتجـال=جلجل الساحـة بقافـي يـوم ونّاتـي جنـود يختضم حبر الورق في أسطر ٍ ماهـي قـلال=صاحيه لعيـون دام إن ّ الجفـى هـدّ الرقـود ضنكة ٍ ذيج الخوافي ما يجـود بْهـا المجـال=والكدر وقّع ع تقريـر الهـوى عقـد وعقـود بسرد القصة القصيرة قول فـي لـجّ المقـال=والمـدى مفتـوح للأشجـان لا مالـه سـدود قصة الخلّ اللي صاب القلب بأسـراب النبـال=لا نكث عهده وبان الزيف فـي بنـد الوعـود إيه .. لمّا قـال إنـه قايـد ٍ خيـل الوصـال=كيف يقفي قبل ما ياتي على صهـوه قعـود!! إيه .. لمّا قـال إنـه فـارس ٍ كفـو النـزال=كيف يجفي شاطر ٍ سيفه وعن ساحـي شـرود صدق لا قالوا : ترى ماهـو التمنـي كالمنـال=كـم تمنيـت المحبـة تاتنـي طفـل ٍ ودود؟! آه يا خلّ ٍ طـرى لـي بالهـوى ظـلّ ٍ وزال=لا عسى اتعود الليالي المعثرة لو جـت تعـود كمّ أبحرت ف دموعي لا سرت ماي ٍ ضحـال=ولا ابتعد مركب خفوقه.. أغزر الدمع الخدود! كم تهايى لـي غرامـه قبـل نكرانـه غـزال=كم هقيته قبل هجـره .. لا تـراوى كالعنـود كم تهادت شمس حبي قبل أو عقـب الـزوال=حتى لا جا الليل يبلج .. إختفت خلف الصدود! كم تخيلتـه سكـاب القهـوة ياللـي فالـدلال=فاح هيله والنفح حـزن ٍ بـدى لجـل القنـود كيف يرحـل عـن قليبـي تاركنّـه فانعـزال=وسط زنزانة صدوده والولـه صـار القيـود! ما يخاف إنه تصيـب العقـل نكبـة اختـلال=ما يخاف ايشوف كفّي كافن ٍ عطـر الـورود قال إنه الصد ّ عن درب الهوى حالـه محـال=كيف صدّ وْ عاف قلـب ٍ ينتظـر منـه ردود؟ الله واكبر ..حتى هاتف مزملـي دون اتصـال=ما تجيـه التغطيـه دام الخلـي دون الحـدود! قد نظمت الشعر لجله حيث بنـوي الاعتـزال=ما يجود الشعر دونه وكيف للقـاف الصمـود يا عشيـق ٍ نـال منّـي لا رمانـي بانفصـال=كان وصلي وانقطعت ولعنبـو عيـن الحسـود صرت أضرب بالكفوف اليوم للخلـق المثـال= للهوى زمـرة مقابـر والجثـث تاكلهـا دود صرت أفرش لي بساط الشوق من تحت الظلال=كان ظلّي وصرت ظل ّ ٍ قد هوى عقب الخمود الكلام اليوم يبقـى لـو ملـى بـوز الرجـال=والمحبة ادّوم لو كانت وسـط غـاب الأسـود ولا تدوم إن كان أحْد ٍ مـن طرفهـا كالحثـال=أو ترى طبعه شرى طبع ٍ طلى عـاد وْ ثمـود المحبـة الخالصـه مفتاحهـا درب الـحـلال=والحرام ايتـم لحظـة ثـم ّ لا لا مـا يسـود ولا هويتـه كانـت النيّـه حـلال ٍ فـي زلال=قد رشف عذبي ..وانا أرقبه وأنتظـره يعـود! اكتشفت انه الضحيّة فالهوى "زيـن الخصـال=والفراق ايغصّـب العيـن بدمعهـا أن تجـود شدّني للحـب بحبـال ٍ بـدت غيـر الحبـال=ونصّب الخيمه الحزينة فوق أرضي دون طود! اقتنعت إن الهوى لو يوصـل ارؤوس الجبـال=ما يطيْحه غير يللي صار عنـوان " الجحـود اكتشفت إن الهوى لو جتْـه ريـح ٍ ثـمّ مـال=ممكن إنّه يعتدل لو كان جذعـه لـه وجـود! اكتشفت إن الهوى لا قلـت لـه فيـوم ٍ تعـال=ما يجيك إلا ّ بحرارة .. كيف ياتي لك بـرود؟ لو أتى لك بالبـرود ايكـون ذا لعـب اليهـال=والسما ما تبرق ف يوم ٍ بلا قصـف الرعـود آه .. من ليل ٍ بزغ مـن دون إكليـل الهـلال=لا بدت ذيج النجوم اتصف ّ لاشجانـي وفـود من كروب القلب وجّهـت الجـوى للإبتهـال=ربّي يا رحمـن يسّـر حالتـي يـاربّ "هـود

أدوات القصيدة

النسبة 2.84/5 (63اجمالي)

• 1
• 2
• 3
• 4
• 5