منصور يوم اتقول منصور منصور = منصور جاب النصر حرب و خديعة لو جت جبال الصعب في دربه .. اتمور = يا صعب طع منصور يا صعب طيعه هذا ابن زايد تحاشاه لقصور = يشري الرجال ف كل صعب ٍ يبيعه انت الفريق اللي يشجعك جمهور = شعبك وهو مثل الجيوش النجيعة ارواحهم وقفت حذى الموت طابور = وادماؤهم تبقى ف سبيلك نقيعة سبحانه الله شع من وجهك النور = اثريك شمس للنجوم السطيعة يا شي ف كتاب الكرامات مذكور = كفّك زمن حاتم عرف وش صنيعه ما استغربك لو صرت في وادي الطور = يوحى إليك الجود وسط الوسيعة لو مات وقتك مات بس مات مغفور = لأنك غنمته بالجهود النفيعة صيتك طغى حتى وصل وادي القور = ذاعته أفعالك اذا بها مذيعة يا سيدي أفعالك الخيّرة حور = هي حور عين ٍ في الجنان الرفيعة نادي الجزيرة كم لك داخله دور = نحو الصدارة يخطو خطوة سريعة لأنك تديره بحنكتك أصبح ايدور = حول النصر و الفوز أصبح ربيعه لك في الرئاسة اشؤون واجهود تيمور = هذا الوطن كم قد جنى منك ريعه حتى جدى التعليم كم صرت له طور = طور النحل حول الزهور الينيعة لك في الفروسية عمل بات مشهور= يا فارس اجتاز القلاع المنيعة يا رئيس للجنة الوزارية الشور = الشور شورك والأذاين سميعة و(ايبيك) و اهلها يفتدونك بالنحور = و انفوطها ترشدك وين البقيعة من كل بقعة نفط تبني لنا اقصور = مأوى الثكالى في الليال الصقيعة يوم توليت القضا... بت محفور = محفور في صدر العدل و الشريعة يا صقر خلفه طارت المرجلة اطيور = ترسم اسم منصور وسط الشسيعة وشلون ما تحفر بطولاتك اقبور = ما دام صعبات الطوايل صريعة ماظن أمك حملتك تسعة اشهور = وشلون تسعة وانت ليث الطبيعة جابتك ليث ٍ يسوى آلاف لنسور = آبوه ظيغم قد كبر به رضيعه طافت فقارى الارض بك بيت معمور = واتضرعت لك بالعيون الدميعة واتراودت خيرك على وقت لسحور = وصلت عليك امهجدات ٍ ركيعة يا سيدي يا فارس ٍ وظّب امهور = يا راعي ٍ ما يوم ضيّع قطيعه مأجور ع افعالك وان قلت مأجور = أبكيت احوال الفقارى الفجيعة وان قالوا انك تنجب ايناث واذكور = قلت الاناث اذكور يا بو السنيعة روّح إلى العلياء يوم انت محشور = ويا النبي والكل يبغي شفيعه يا مب وعد بلفور يا وعد علفور = الوعد نصرك والشعب لك جميعه يا جيش في هذا الوطن حارب الجور = اكتايبه شعبه و حبهم طليعة لو قالوا الصعب استطاعك ترى زور = بالله انت يا الوغى تستطيعه

أدوات القصيدة

النسبة 3.27/5 (64اجمالي)

• 1
• 2
• 3
• 4
• 5