حيّهم لي هم مشاكيني =للشعر في بيتهم قاعي لا مشوا بالقاف للصيني =يوصلون وشعرهم لاعي جزلهم ع الراس والعيني =ينغمون الطرْب بايْقاعي رسْمهم بالشعر تلويني =ريشة ٍ من بدّ لنواعي ما حواهم شغب ٍ و شيني =زينهم سدّاد شوّاعي حسبهم قوم المزاييني =إن مشوا يسبقهم الراعي قبلهم كنّا مساكيني =وعقب شكواهم لنا باعي شكوة ٍ واحنا الملبّيني =لمْرهم شعر الشكى طاعي للمئات اليوم ألفيني =و للذئاب اليوم أسباعي وللظهور اليوم تبطيني =وللبواطن ظهر واطلاعي مال جور الدهر يسقيني =مدلهمّ ٍ لاوي اكواعي دنية ٍ قد شابها البيني =يا حياة ٍ خيرها جاعي اشتكي شرواج والحيني =ماهو شروى الأمس سنّاعي الزمن بالويل ياتيني =والصبر هو شيمة أطباعي حيف دهر ٍ بالمواشيني =امتلا من دون لوراعي فالهوى كم م المجانيني =والقلب قد بات سمّاعي كم سمعت إن ّ المجافيني =إن جفوا يغدي الهوى ناعي الوصل رمز المحبيني =والجفى كالسيف قطّاعي البشر من نطفة الطيني =والقلوب ف نار وألساعي الهوى جرح ومشافيني =والمودّة ختْم طبّاعي ويل خلّ ٍ دون تسكيني =قدْ هجره الخلّ والتاعي خزّن التحباب تخزيني =يوم حبّه طاف لنخاعي اصبري فالصبر تهويني =ما انخذل من صبره اوزاعي هوّنيها والمقفّيني =صدْق حبْهم خير رجّاعي واطلبي ربّ المربّيني =من لجا له عمره ما ضاعي يا إلاه العصف والتيني =يا مطفّي جمرة أوجاعي

أدوات القصيدة

النسبة 2.23/5 (13اجمالي)

• 1
• 2
• 3
• 4
• 5