يااه..محلا منظر الخد واعيـون الغـزال=إخذي الغشوة وغطّـي تفاصيـل السحـر يعني يوم الله وزّع على الخلـق الجمـال=كنّ وزّع فيك معظمـه مـن دون البشـر للأمانة ..وكلمتي..يا المها..كلمة رجـال=اللي يوقف في طريقك فلا له مـن مفـر ودام إني واقف ٍ في طريقك ..وش بنال ؟=شفت موتي من قبل ما تهزّيلي الخصـر! كل خصلة فيك تسوى ملاييـن الخصـال=يكفـي إنّ الشـوف منّك..مثبّـط للهجـر وكلما رحت ازقرك ..قلت : يا أم الوصال=جاوبتني نعسة العين واهضـاب الصـدر قالها فيك العرندس وكم كـم فيـك قـال=دونك إنتي "لا نجم ..في سمـاه ولا بـدر يكفي إنك ما عطيتـي لغيـري أي مجـال=ويكفي إني صرت في خافقك أكبر مقـر يا بعد قلبي ويـا بعـد كبـدي والطحـال=والله عمري هو بدونـك ولا كنّـه عمـر المنال إنك بقربـي ولـو قلتـي : تعـال=جيت اسابق ريح شوقي وعلى الله الأجـر والمنال إني ملكتـك قبـل كـل الرجّـال=واستبقت الودّ في ودّك ف أكبـر نصـر بس لو ممكن..تشيلين..ما يخفـي الكمـال=أقصد الغشـوة..و ليتـك تلبيلـي الأمـر لأني أدري في محيّاك اجابـة هالسـؤال=ما الشبه ما بين وجهك وما بيـن القمـر؟

أدوات القصيدة

النسبة 2.86/5 (14اجمالي)

• 1
• 2
• 3
• 4
• 5