|
لو تستـوي دمعـة عيونـك بحاحيـر=بجعـل فراقـي لـك عليهـا سفيـنـة
ياليـن تصبـح فرقتـي لـك طياييـر=وأطيـر أبعـد عـن حـدود المدينـة
قسـوة قليبـك داء مـالـه عقاقـيـر=ياللي جعلـت الـروح تصبـح غبينـة
صحْت وعيوني منْك صارت نواعيـر=صبّت دموعـي فـوق خـدّي سخينـة
لو كان هجرك من صعـاب المشاويـر=بسعـى علـى يسـراه حـاذي يمينـه
صوّرت شخصك فوق وصف وتصاوير=وإلحيـن لـو بوصفك..حيّـة لعيـنـة
ياللـي مقامـك كـان روز ونواويـر=ماشفت كيف الزهـر أصبـح عجينـة!
بجعلك تصبـح مـن كبـار المشاهيـر=اليـا شهـرت أحقـاد قلبـك وشينـه
يا للخسـارة ..ع العيـون المساهيـر=بشـراك ترقـد والمشاعـر حزيـنـة
آصون وجـه المـاي مْـن الدعاثيـر=عـن لا تزيّـد بلـة الطيـن طيـنـة
|
