موقع الشاعر رضا الهاشمي - عرندس الجفيان -- wWw.qafaj.cOm http:/www.qafaj.com/ احنا بعدنا حبايب ما تفرقنا صوت الهوى بيننا مسموع بالعالي
الكون بأسره كأنه منخلق حقنا كنه وجود الخلايق عنّنا سالي
كلما ابتعدنا دقيقة مسرع اشتقنا وانشوف وقت الفراق ف عمرنا طالي
الوقت ساعات ياخذنا ويسرقنا شرطة حرامي يلاعبنا ويحتالي
العاذل اللي يود انه يمزقنا ما نال من وصلنا هيهات ما نالي
يستعبد البعد موصلنا ويعتقنا لا شافك انته حبيبي دوم عدّالي
ٍالوصل غاية غنمناها وحققنا والهجر لا احنا نبالي به ولا يبالي
نبقى سهيرين كثر الحب أرقنا وايطيب في حضنك المحنون منزالي
موج البحر لو طمانا ما يغرقنا مركب هوانا صميد ف وجه الاهوالي
من زاد حبنا صراحة به توهقنا يا حاكم ٍ مهجتي والحكم فدرالي
يحق ع العاذلين انا تخققنا ما دام حبنا ف بلدهم قاضي و والي
احلى الهوى اننا عشنا وتطابقنا وانعيش لو لبسنا في المعشقة بالي
http:/www.qafaj.com/